L’Institutu Asturies 2030 a pie de cai na Folixa Popular

L’Institutu Asturies 2030 aprovechó la celebración de la Folixa Popular nel Pueblu d’Asturies esti 8 de setiembre pa salir a la cai y dase a conocer ente la xente que s’averó a Xixón nesta xornada. Ellí repartiemos información sobre l’Institutu y afalamos a la xente a asociase  pa trabayar a comuña por un país nel que vivir con dignidá, sostenible, abiertu, solidariu y xustu.

Tamién adelantemos cuála va a ser una de les nuestres próximes actividaes: esta seronda trayemos a Asturies a Guy Standing, un referente mundial nel análisis social y miembru fundador y copresidente del BIEN (Basic Income Earth Network), la Red Global de Renta Básica. D’esti tema precisamente se va a falar nes xornaes que l’Institutu Asturies 2030 prepara pa ochobre en La Pola (Siero) y nes que Guy Standing va a participar, xunto con dellos y delles especialistes en Renta Básica Universal.